Sam 141:4-10

⁴Bzkq rlr-ngrme nzsutikr drtwrnge da kxdrka'ngr, Murde ma tqprtrpo badr kxnzaleng alwx Mz nzale-krdr da kxvz-rbr, X ma tqprlvz mzke' da kxtrka.

⁵A' mz nzprtr-krbo badr, mrlzvxitx nzayrplapxngr ninge. Murde nzatubqtingr apule tolo ngr nzamrlzngr. Bzkq narnge mqngi, Murde krka'-zvz-ngrne kx nayrlqpx-lzbqnge mz nzvz-rbr-krdr.

⁶X ncblo sa na-abrtz-ngrdr natq ngr nzatubqti-krnge nidr Mzli kc namc-ngrdr nzbzkr kxnzetu r kxdrka'-ngrng mz nzayrplapxngr nidr.

⁷X nrvr ngrdr sa natwzbetxne mz drtc' Mz nzapu-krdr lrdz kcng tqalvxlz nrc.

⁸Yawe, nim Gct rnge, abrtr-zvzbo drtwrnge bam. Nanginim lrpalvc nyznge, murde ma tqmnc-lxlrx.

⁹Mailz ninge murde ma tqprtzx mz trtxki sc kxdrka'-ngrng, X ma tqtaox mz gq kx nzekqtilr.

¹⁰Mrlzvxitx nzdwatr-mou-krdr mz br scdr, A' drtqnge naopx zvz.