Sam 140:3-10

³Natqdr nzlvati apule nipna kr ningidoe kc tqrtq, Mz nzrpikitingr x nzrpibqtingr.

⁴Yawe, arlapxbz ninge mz zmatq ngrdr. X aclve-angidrbz ninge mz krkcng tzryrlqng drtwr kx na-atrkati-ngrdr ninge.

⁵Sc tzglqpx-lzbqng nzamwi-kapqlr trtxki kx naprtz-ngrne mz nzatu-krdr br mz nzti rnge. X tzryrlqng drtwr kx nalolvz-ngrdr ninge.

⁶Yawe, xlrm nzkrka'-krnge, Murde rpi-zvzbo bam kx, “Yawe, nim Gct rnge.”

⁷Kxetu rnge, nzxplr-krm arlapxle ninge. X amyaq narnge mz nzvecngr.

⁸Bzkq rlr-ngrbzme nzngidatikr drtwr kcng tzyrlq kxdrka'-ngrng lcng Mz nzbilvz-krdr nzlolvz-krdr ninge, kxmule-esz' nzsuti zlwz drtwrdr.

⁹Enqmi lcng tztu-ngalelvzlr ninge. Batrpz nzayzlu-krbz badr natq ngr zngya kcng tzpimlr bange, murde nangq-moule nidr.

¹⁰X nyr natatiom nangc-ngrdr, X nartctiongr nidr mz gq kx trnarlapx-ngrdru.