Sam 126:1-4

¹Nabz kx nzngrnelzngr Jerusalem mz nzangiongr. Mzli kc Yawe tqamnc-zpwx-mou-ngrde nigu lr Jerusalem, Opxm kx trngiu da zpwx, a' rmwibleku.

²Mzli lcde, yrpale-twzku x ngr-katoku, mz nzabrtz-zlwz-krgu. Zbz sc tzrpipe lr mrkzbleng kx, “Yawe rwz-ngrbz da kxetuting kx okatr-ngrde nidr.”

³X abrtztx-zlwz-ngrgu Da lcdeng tqetuting tqwz-ngrmleng bagu.

⁴Delc Yawe, na-amnc-zpwx-mou-ngrde nigu mzli ka, Da kc tqwai tewa nzdc-krde x lrti-moungr ningali kx pztipeng.