17Chayno goyanga munayniyoj cananpaj rispitasha cananpaj yanapaptiquimi. Gam cuyacoj cashpayqui yanapämaptiquimi nogacuna munayniyoj cashaj.
18¡Tayta Dios, gammi canqui chapacuna escüdö! ¡Israelpa Santo Diosnin, gammi canqui nogacunapa raynë!
19Unayga acrashayqui runacunata ribilaypami tantiyachirayqui. Paycunatami nirayqui: «Israel runacunapitami jinyunninta acrashcä. Paytaga nogami yanapashcä mas allicho cananpaj.
20Sirbimaj Davidtami acrashcä. Ray cananpämi rispitädu asëtita umanman wiñapashcä.
21Paytaga imaypis yanapäshämi. Munaynëwanmi sumaj callpayojyächishaj.
22Chiquejcunapis manami magangachu. Fiyu runacunapis manami binsengachu.
Salmos 89
Salmos 89:17-22