Salmos 80:7-16

⁷Munayniyoj Tayta Dios, ñaupatano alli goyänäcunapaj yanapaycamay ari. Alli ñawillayquipa ricäramay ari salbasha canäcunapaj.

⁸Egiptupitami übas lantata apamurayqui. Mana rispitashojcunataga chacrapita jitarishcanqui chay übasta lantanayquipaj.

⁹Chacrata sumaj picharcurmi lantashcanqui. Lantanami sapichar intëru nasyunman juntasha.

¹⁰Puntacunatapis chapasha llantupänanpaj. Rämancunapis sedrucunata chapasha.

¹¹Räman lätar aywajcunaga chayasha Mediterráneo lamarcamami, inti yagamunan caj-läpanami Éufrates mayucama.

¹²Cananga ¿imanirtaj guenchancunata tunichishcanqui? Päsaj fiyu runacunapis wayuyninta pallacurcaycanmi.

¹³Munti cuchicunapis pedäsumi ruraycan. Jirca animalcunapis ushacurcun.

¹⁴Munayniyoj Tayta Dios cutiycamuy ari. Übas lantayquitaga syëlupita-pacha sumaj ricaycuy.

¹⁵Chay übastaga quiquiquimi lantarayqui. Chillguiptenga quiquiquipaj cananpämi ricarayqui.

¹⁶Übasniquega mutur-ushashami, rupachir-ushashami caycan. Chaymi chayno rurajtaga fiyupa castigaycuy ari.