Salmos 79:4-12

⁴Cananga bisïnöcunapis asipäman. Lädöcho caycajcunapis jamurpäman.

⁵Tayta Dios, ¿imay-yajraj rabyashalla caycanqui? ¿Imayraj rabyashayqui päsacanga?

⁶Rabyasha carga castigay mana rispitashojcunata, mana rejsishojcunata, mana mañacamushojcunata.

⁷Paycunami Jacobpita mirar aywajcunata wañuchisha. Cay nasyuntapis cachaycusha ragällanta.

⁸Unay caj awilöcunapa juchanpitaga ama nogacunata castigamaychu. Fiyupami llaquisha caycäcuna. Cuyacoj cashpayqui juclla yanapaycamay.

⁹Nogacunata salbamaj Tayta Dios, yanapaycamay. Juchäcunapita perdunaycamay salbaycamay alli cashayquimanno.

¹⁰Mana yanapämaptiqui mana rispitashojcunaga «¿Maychötaj Diosniqui caycan?» nimangami. Gamta sirbishoj uywayniquicunata wañuchishanpita ayñita cutichishayquitami ricayta munä. Mana sirbishojcunapis musyachun gam castigashayquita.

¹¹Prësucuna mañacushushayquitapis wiyaycuy ari. Wañuchicänanpaj caycajcunatapis munayniquiwan salbaycuy ari.

¹²Tayta Dios, ganchis cuti maspa castigay bisïnöcuna gampa contrayqui rimashanpita.