SALMOS 75:6-10

⁶Pampa san Toteco hueli tehueyitlalía. Axaca tlen huala tlen campa quisa tonati, o ica campa oncalaqui, o campa huactoc tlali huelis quihueyitlalis se tlacatl. ¡Axtle!

⁷San Toteco Dios itztoc Juez. San yajaya nopa tetlajtolsencajquetl tlen hueli tehueyitlalía huan temaca chicahualistli. Huan sequin tlacame quinhueyitlalía huan sequin quinicnotlalía.

⁸Toteco quipixtoc imaco se caxitl tlen temitoc ica huino tlen nelía cococ. Huan ya nopa eltoc nopa tlatzacuiltili tlen quintitlanilis tlaixpanoca tlacame ipan ni tlaltepactli. Huan monequis quiise hasta quitlamise ica nochi itetejtzo.

⁹Pero na para nochipa nitepohuilis nochi tlen quichijtoc Toteco Dios, yajaya tlen iTeco Jacob.

¹⁰Yajaya quiijtohua: “Na nijtlamiltis ininchicahualis nopa fiero tlacame, pero tlen itztoque xitlahuaque noja niquinmacas más chicahualistli.”