SALMOS 64:5-8

⁵Se ica seyoc mofuerzajmacaj para quichihuase más tlen fiero. Ixtacatzi mosentilíaj para quitlalise tlaquetztli. Huan quiijtohuaj: “Nica tijtlalise ni tlaquetztli campa axaca huelis quiitas.”

⁶Ica miyac cuidado quisencahuaj quejatza quichihuase para temictise. Ica yolic quitemolíaj quejatza quichihuase tlen fiero quisencajtoque quichihuase para ma cualquisa. Iyolo huan itlalnamiquilis se tlacatl tlahuel quimati quisencahuas tlen fiero para quichihuas.

⁷Pero Toteco Dios yajaya iselti quintlamicocos. Elis queja quinmajcahuilis cuatlamintli quema ax quichiyaj, huan nimantzi quintlanis.

⁸Quena, huetzise huan motzontlamiltise, ipampa nopa tlajtoli tlen quiijtojtoque. Huan nochi tlen quinitase momajmatise.