Salmos 60:5-10

⁵¡Cananga munayniquiwan salbaycamay ari! ¡Cuyashayqui runacunata salbaycuy ari! ¡Wiyaycamay ari!

⁶Tayta Dios Templuyquicho caycar aunimarmi nirayqui: «¡Ima cushisharaj acrashäcunata raquipäshaj Shequemta! ¡Ima cushisharaj partipäshaj Sucot guechwatapis!

⁷Galaadwan Manasesga nogapami. Efrainga acrashä runacunata chapänanpaj caycan pillyacho chapämaj fyërru cascönömi. Judäga caycan acrashä runacunata mandananpaj ray tiyananmi.

⁸Moabga sirbimänanpaj carmi mayllacunä labaturyuno. Edomnami llanguëta purichej uywaynëno canga. ¡Filistea runacunata binsiycurnami cushicuypita gaparäshaj!» nir.

⁹Ichanga ¿piraj pushamanman intërunpa curalasha caycaj siudäman? ¿Piraj pushamanman Edomcama?

¹⁰Tayta Dios gamga nogacunapita witicurishcanquinami. ¡Cananga mananami suldäröcunawanpis aywanquinachu!