SALMOS 50:19-21

¹⁹San campa hueli inquicalaquijtinemij imonenepil para inquiijtose tlen fiero. Nimantzi inistlacatij.

²⁰Inmosehuíaj huan inquiteilhuíaj se tlen imonelicni. Quena, yajaya tlen nojquiya icone imonana huan san sejco inmoscaltijque, inquitlaijilhuíaj.

²¹Nochi ya ni inquichijtoque, huan na ax tleno niquijtojtoc. Huajca inmoilhuijtoque para na nieli san se queja imojuanti. Pero ama nimechixcoilhuis nochi tlen inquichijtoque, huan nimechpannextilis nochi.