Salmos 4:2-8

²Munayniyoj-tucoj runacuna, ¿imaycamaraj manacajman churaycämanqui? ¿Imaycamaraj manacajcunallata ashircaycanqui? ¿Imaycamaraj llullacuyllata munarcaycanqui? Selah

³Tantiyacuy-llapa, Tayta Diosga mandamintunta cumlejcunallatami cuyan. Tayta Diosga mañacuptë wiyamanmi.

⁴¡Manchapacuy-llapa! ¡Juchata ama ruraychu! Imata ruranayquipäpis cämayquicho wegurashayqui öra yarpachacuy. Selah

⁵Llutan yarpashayquicunata cacharir Tayta Diosta wiyacur caway-llapa. Tayta Diosllaman yäracuypis.

⁶Achcajmi nircaycan: «¿Piraj alli cawayta tarichimäshun?» nir. ¡Tayta Dios, alli ñawillayquipa nogacunaman ricäramuy ari!

⁷Aypalla rïguyojpitapis, aypalla bïnuyojpitapis masrämi gamga shongöta cushicachinqui.

⁸Nogaga jaucami puñucöpis. Tayta Dios gamman yäracushpämi cushishallana cawä.