SALMOS 44:16-21

¹⁶pampa techtlaijilhuíaj huan techhuetzquilíaj nopa motlacuepilijca tlacame. Quena, techpinahualtíaj tocualancaitacahua.

¹⁷Nochi ni tlamantli topantitoc, yonque ax timitzilcajtoque, niyon ax timoiyocacajtoque tlen nopa tlajtol sencahuali tlen tijchijqui ininhuaya tohuejcapan tatahua.

¹⁸Ax timoiyocatlalijtoque tlen ta, niyon ax tijcajtejtoque moojhui.

¹⁹Pero titechtlahuelcajtoc campa axaca itztoc, campa san itztoque tlapiyalime tlen mosisiníaj. Titechcajtoc ipan se tzintlayohuilotl tlen eltoc queja miquistli.

²⁰Toteco Dios, intla timitzilcajtosquíaj, o tijhueyichijtosquíaj se totlaixcopincayo,

²¹ta tijmajtosquía, pampa ta tijmati nochi tlen ixtacatzi eltoc ipan toyolo. Pero ax tijchijtoque, Toteco.