SALMOS 38:1-7

¹TOTECO, amo xinechtlaijiyohuilti quema ticualani. Huan amo xinechtlatzacuilti ica mohueyicualancayo.

²Miyac nechcocohua tlen ax cuali nijchijtoc. Eltoc queja nochi mocuatlaminhua calactoc ipan na. Quena, eltoc queja tinechajsitoc, pampa nijmati ticualani nohuaya.

³Huan pampa ticualani pampa nitlajtlacolchijtoc, nijmati queja nochi notlacayo mococohua. Niyon se noomiyo ax cuali eltoc.

⁴Nochi notlajtlacolhua nopan huetztoc. Eltoc queja nimisahuisquía campa miyac atl. Notlajtlacolhua eltoc queja se tlamamali tlahuel etic tlen ax hueli niquijiyohuía.

⁵Palani notlacayo pampa nijchijqui se huihuiyotl. Mijyotíaj nococohua.

⁶Nicuitlapanhuitoltic huan ax hueli nijtlalana notzonteco. Semilhuitl nichocatinemi ipampa tlen nijchijtoc.

⁷Nochi notlacayo tliquisa. Huan ya tlantinemi nochicahualis ipampa notlajtlacol.