SALMOS 30:5-10

⁵TOTECO, quema ticualani, san elis para se tlalochtli, pero ipan nochi tonemilis titechnextilía para tijpiya hueyi moyolo tohuaya. Yonque tojuanti quemantzi tichocaj ica tlayohua, ica ijnaloc tijpiyaj paquilistli ipan ta.

⁶Quema cuali niitztoya huan ax tleno nechpolohuayaya, nimoilhui axaca huelis nechtlanis.

⁷TOTECO, ica moteicnelilis titechquetztoya cuali queja se hueyi tepetl tlen axaca hueli quiolinis. Pero teipa, timoixtlati ica na huan nimajmajcamiquiyaya.

⁸Huan nimitznotzqui, TOTECO. Nimitztzajtzili para xinechtlasojtla.

⁹Pampa, TOTECO, intla tinechcahuilisquía ma nimiqui, tlachque tijtlanisquía. Ayoc huelisquía nimitzhueyichihuasquía iniixtla nohuampoyohua. Toteco, intla nimiquis, nimocuepas tlali, huan tlali ax huelis mitzhueyichihuas. Mijcatzitzi ax huelise tepohuilise para ta nelía titemachtli.

¹⁰Huajca, TOTECO, xinechtlacaquili huan xijpiya hueyi moyolo nohuaya. TOTECO, ta xieli tinotlapalehuijca.