Salmos 147:2-10

²Tayta Diosga Jerusalentapis allchaycächinmi. Israelcuna mashtacasha caycajcunatapis shuntaycämunmi.

³Paymi allchacächin llaquicuycajcunatapis. Guerincunatapis räpuwan watapan.

⁴Payga musyanmi ayca goyllarcuna cashantapis. Cada goyllarcunapa jutintapis yachanmi.

⁵Tayta Diosninchëga fiyupa munayniyojmi. Paypa yarpaynenga mana atipaypämi.

⁶Tayta Diosga yanapanmi umildicunata. Fiyu runacunatanami ichanga pengayman churan.

⁷Agradësicushpayqui Tayta Diosta alabansacunawan alabay. Tayta Diosta alabay arpallanpawan.

⁸Paymi syëlupapis pucutarächin. Cay pachaman tamyamunanpäpis tamyata camarin. Guewata wiñachin jircacunacho.

⁹Animalcuna micuyta tarinanpäpis camacächin. Äbicunapa wawan yargar wagaptinpis micuyta tarichin.

¹⁰Tayta Diosga manami cushicunchu cawallu fiyupa firsayoj captinpis, ni runa callpasapa captinpis.