SALMOS 139:16-18

¹⁶Ta tinechitac quema aya nitlacatiyaya. Huan quema aya nitlaijiyotilanayaya, tiquixtlali quesqui tonali niitztosquía. Huan sesen tonal tlen niitztosquía huan tlachque nopantis, ta tiquijcuilo ipan molibro.

¹⁷Toteco Dios, nelía yejyectzi quema nimomaca cuenta para ta tijsenhuiquilía timoyolilhuía tlen na.

¹⁸Hasta ax hueli nijpohua quesqui huelta timoyolilhuía tlen na ipan se tonali. Huan ica ijnaloc quema niisa, ta noja timoyolilhuijtoc tlen na.