Salmos 135:2-16

²Tayta Diospa Wasincho caycajcuna, Tayta Diosninchïpa Wasin puncucho caycajcunapis.

³Tayta Diosta alabay-llapa pay alli cashanpita. Alabansacunawan payta alabay cuyapäcoj cashanpita.

⁴Paymi Jacobpita miraj Israelcunata acraran. Quiquinpa shuyni cuyaynin cananpämi acraran.

⁵Noga musyämi Tayta Diosninchëga waquin dioscunapita mas munayniyoj cashanta.

⁶Tayta Diosga munashantami ruran syëluchöpis cay pachachöpis, lamarchöpis lamar rurinchöpis.

⁷Cay pachapa cuchunpita pucutayta jatarachimun. Tamya tamyamunanpaj räyu räyumunanpäpis paymi camacächin. Wayratapis jorgamun churaräcunanpita.

⁸Tayta Diosmi wañuchiran, Egipto runacunapa guechpa wamrancunata, uywancunapa rimir caj wawancunatapis.

⁹Jinan Egiptuchömi almiraypaj milagrucunata ruraran Faraonpa y mandäshejcunapa ñaupancho.

¹⁰Achca nasyunchömi runacunata wañuchiran. Munayniyoj raycunata wañuchiran:

¹¹Amorreo runacunapa raynin Sihonta, Basancunapa raynin Ogta, Cananeo raycunatapis llapanta wañuchiran.

¹²Paycunapa chacrantami partisyunta goycuran acrashan Israel runacunata.

¹³Tayta Dios, gamga imaycamapis cawaycanquimi. Tayta Dios, gamtaga imaycamapis yarparäshunquipämi.

¹⁴Tayta Diosga acrashan runacunata jusgangami. Tayta Diosga sirbejnincunata cuyapangami.

¹⁵Tayta Diosta mana rispitajcunapa ïduluncunaga goripita, guellaypitami. Chaycunaga runacuna rurashallanmi.

¹⁶Shimin captinpis manami rimanchu. Ñawin captinpis manami ricanchu.