SALMOS 121:1-8

¹Quema nijtlalanas noxayac huan nitlachiyas ipan nopa tepetini, nimoilhuía: “¿Canque huala notlapalehuil?”

²Notlapalehuil huala tlen TOTECO, yajaya tlen quichijchijqui elhuicactli huan tlaltepactli.

³Yajaya ax quema mitzcahuilis para timotepotlamis o tihuetzis. Yajaya mitzmocuitlahuis huan ax monequi cochis.

⁴Quena, TOTECO tlen quinmocuitlahuía israelitame ax ixijcopi, niyon ax cochi.

⁵TOTECO yajaya mitzmocuitlahuía. Yajaya itztoc monechca para mitzmanahuis.

⁶Yajaya mitzmocuitlahuía tonaya huan tlayohua.

⁷TOTECO mitzmocuitlahuis para ax mitzajsis niyon se tlamantli tlen ax cuali. Quena, yajaya quimocuitlahuis moyolis.

⁸TOTECO yajaya mitzmocuitlahuis campa hueli tiyas o tihualas, ama huan para nochipa.