Salmos 119:158-170

¹⁵⁸Juchasapacunata ricashpä pasaypami melanäcö. Chay runacunaga palabrayquita manami wiyacunchu.

¹⁵⁹Tayta Dios fiyupami cuyä mandamintuyquicunataga. Cuyacoj cashayquimanno cawachimay ari.

¹⁶⁰Palabrayquega llapanpis rasun cajllami. Alli arriglaj cashayquega imaypis manami rucangachu.

¹⁶¹Mana rimapaycaptë munayniyoj runacuna gaticachämajtaga manami manchacöchu. Gampa palabrayquitami ichanga manchacö.

¹⁶²Aunimashayquiman yäracurmi cushisha caycä. Pamparaycaj guellayta tariycojnörämi cushisha caycä.

¹⁶³Llullacuytaga fiyupami pengacö. Yachachicuyniquitaga amatarmi cuyä.

¹⁶⁴Alli arriglaj captiquimi imay örapis gamta alabaycä.

¹⁶⁵Yachachicuyniquita cumlejcunaga cushishami goyan. Paycunataga imapis manami juchaman tunichinchu.

¹⁶⁶Tayta Dios, nogaga mandamintuyqui niycashanno llapantami cumlishcä. Salbamänayquitami munaycä.

¹⁶⁷Nogaga estatutuyquita wiyacömi. Llapan shongöpami cuyä.

¹⁶⁸Nogaga willapämashayquitami estatutuyquitami wiyacö. Gam musyanquimi imano goyashätapis.

¹⁶⁹Tayta Dios, ruwacur mañacamushätaga wiyaycamay. Palabrayquicho caycashanno tantiyaycachimay.

¹⁷⁰Mañacaycämushätaga wiyaycamuy ari. Aunimashayquino salbaycamay.