Salmos 119:143-153

¹⁴³Fiyupa llaquicurmi imata ruraytapis mana camäpacurächu. Mandamintuyquicunami ichanga cushicachimasha.

¹⁴⁴Estatutuyquicunaga allimi. Sumaj tantiyaycachimay, allilla cawaycachimay ari.

¹⁴⁵Tayta Dios, llapan shongöpami mañacamö. Wiyaycamay ari. Llapan layniquicunatami cumliyta munä.

¹⁴⁶Gamtami mañacamö. Yanapämay ari estatutuyquita cumlinäpaj.

¹⁴⁷Manaräpis pacha waraptin jatarcur mañacamö yanapämänayquipaj. Nogaga palabrayquimanmi yäracö.

¹⁴⁸Waray-waraymi ricchä aunishayquicunata yachacur.

¹⁴⁹Tayta Dios, gamga cuyapäcojmi canqui. Yanapaycamay ari. Alli cashayquimanno cawachimay.

¹⁵⁰Fiyupa chiquimajcunaga gaticachämar taripaycämannami. Yachachicuyniquicunatami ichanga gongaycush.

¹⁵¹Tayta Dios, gamga ñaupallächömi caycanqui. Mandamintuyquega llapanpis rasun cajllami.

¹⁵²Unaypita-pachanami musyä estatutuyquicunataga. Chaytaga quiquiquimi camacächishcanqui imay-yajpis cananpaj.

¹⁵³Llaquicuycajtaga salbamay ari. Yachachicuyniquitaga manami gongashcächu.