SALAMO 6:3-7

³egu lauma danu ia hisihisi bada noho. Lohiabada e, oiemu durua totona lau naria noho, do lau naria ela bona edena negai?

⁴Lohiabada e, oi mai, bona lau do oi hamauria. Oiemu bogahisihisi dainai, mase dekena amo lau do oi veria mauri.

⁵Badina be ia mase neganai, tau ta ese oi ia laloa diba lasi. Mase taudia edia gabu dekenai, daika ese oi do idia hanamoa?

⁶Lalohisihisi dainai lau manoka noho. Hanuaboi ta ta ibounai lalonai, egu geda dekenai lau tai noho, tai noho. Egu mahuta geda be, egu matana ena ranu ese ia hapariparia vadaeni.

⁷Egu matana be idia diburadibura noho, egu lalohisihisi dainai. Egu matana be idia manoka noho, tau buruka ena matana bamona, badina lau hadikaia gwauraia taudia be momo herea.