SALAMO 56:2-9

²Lau idia hadikaia gwauraia taudia ese lau idia lulua noho. Idia momo herea ese lau idia dagedage henia noho.

³Siahu Ibounai Lohiabada, lau be lau gari neganai oi dekenai do lau abidadama henia.

⁴Dirava dekenai lau abidadama henia neganai lau gari lasi. Iena gwauhamata gaudia dainai, lau ese ia lau hanamoa noho. Taunimanima sibona be edena bamona lau idia hadikaia diba?

⁵Dina ibounai idia ese egu hereva idia hagagevaia noho. Nega ibounai lau hadikaia dalana idia laloa noho.

⁶Idia be hunia gabudia dekenai idia haboua noho. Egu kara ibounai idia itaia noho, lau idia alaia totona ena dala idia tahua noho.

⁷Dirava e, edia kerere davana do oi henidia. Mai oiemu badu danu unai taudia do oi halusia.

⁸Lohiabada e, egu laloa hekwarahi oi diba. Egu matana ena ranu be oiemu kavabu dekenai do oi udaia. Oiemu buka lalonai idia torea vadaeni, ani?

⁹Oi dekenai lau boiboi dinana dekenai, lau idia badu henia taudia do oi lulua lou. Lau diba inai be momokani, badina Dirava be lau dekenai ia noho.