SALAMO 28:4-8

⁴Edia kerere ena davana do oi henidia. Edia kara dika hegeregerena, davana idia dekenai do oi henia. Edia dika ibounai dainai do oi matakani henidia, bona edia dika davana korikori do oi henia momokani.

⁵Idia ese Lohiabada ena gaukara idia matauraia lasi. Lohiabada ena kara badadia idia laloa lasi. Unai dainai ia ese idia do ia veria diho momokani, bona do ia haginidia lou lasi.

⁶Lohiabada do ita hanamoa! Ia ese egu noinoi durua totona ia kamonai henia vadaeni.

⁷Lohiabada be egu goada bona egu kesi. Lau ese ia lau abidadama henia noho. Ia ese lau ia durua noho, bona egu kudouna ia hamoalea noho. Mai moale danu, ane dekena amo Lohiabada do lau hanamoa.

⁸Lohiabada ese iena bese taudia ia gimaia noho. Ia ese ia abia hidi king ia naria, bona ia hamauria noho.