Text copied!
Bibles in South Azerbaijani

Süleymanin Məsəlləri 6:22-31 in South Azerbaijani

Help us?

Süleymanin Məsəlləri 6:22-31 in Azərbaycan dilində Müqəddəs Kitab

22 Gəzəndə onlar sənə yol göstərər, Yatanda səni hifz edər, Oyananda sənə məsləhət verər.
23 Bu əmr çıraqdır, bu təlim nurdur, Tərbiyə üçün edilən məzəmmət həyat yoludur.
24 Bunlar səni pozğun qadından, Şirindilli yad arvaddan qoruyar.
25 Onun gözəlliyinə aşiq olma, Onun kirpiklərinin əsiri olma.
26 Fahişənin üzündən insan bir tikə çörəyə möhtac qalar, Kiminsə zinakar arvadı insanın qiymətli canını ovlar.
27 Bir kişi qoynuna od alanda Əyin-başı yanmazmı?
28 Köz üzərində gəzənin Ayaqları bişməzmi?
29 Qonşusunun arvadının yanına girənin də halı belədir, O qadına toxunan cəzasını çəkər.
30 Qarnını doydurmaq üçün ac oğru oğurlarsa, Kimsə onu qınamaz.
31 Amma onu tutsalar, yeddi qat ödəməlidir, Evinin var-yoxunu verməlidir.
Süleymanin Məsəlləri 6 in Azərbaycan dilində Müqəddəs Kitab