Sòm 94:8-13

⁸Nou menm, bann san konprann, manyè fè atansyon non! Bann moun fou, kilè n'a konprann?

⁹Bondye ki bay zòrèy, ki jan pou l' pa ta ka tande? Bondye ki fè je, ki jan pou l' pa ta ka wè?

¹⁰Limenm ki reskonsab tout nasyon yo, ki jan pou l' pa ta ka pini yo? Limenm k'ap bay moun tout kalite konesans, ki jan pou l' pa ta ka konnen?

¹¹Seyè a konnen lide lèzòm gen nan tèt yo. Li konnen sa pa vo anyen.

¹²Ala bon sa bon, Seyè, lè w'ap korije yon moun, pou fè l' konnen sa ki nan lalwa ou,

¹³pou l' ka rete ak kè poze lè jou malè a rive, jouk y'a fouye twou pou antere mechan an.