Sòm 73:3-8

³paske mwen te anvye sò moun k'ap fè grandizè yo lè mwen te wè jan mechan yo alèz.

⁴Yo pa gen pwoblèm, yo pa malad, yo byen gra.

⁵Yo pa soufri sa lòt moun ap soufri. Yo pa gen pwoblèm lòt yo genyen.

⁶Yo pran pòz pa kanmarad pesonn, y'ap plede bat moun.

⁷Kè yo plen mechanste. Yo plen move plan nan tèt yo.

⁸Y'ap pase lòt moun nan rizib, y'ap pale move pawòl. Yo awogan, y'ap plede mache di jan y'ap kraponnen moun.