Sòm 44:14-22

¹⁴(044:15) Ou fè tout lòt nasyon yo ap bay istwa sou nou. Kou yo wè nou, y'ap fè siy sou nou.

¹⁵(044:16) -(we vèsè pwochen)

¹⁶(044:17) Lè m' tande moun k'ap joure m' yo, moun k'ap vekse m' yo, mwen pa ka gade yo nan je. Lè m' devan lènmi ak moun ki pa vle wè m' yo, lawont fè m' bouche figi m'.

¹⁷(044:18) Wi, tout malè sa yo rive nou, men, nou pa janm bliye ou. Nou pa t' manke anyen nan kontra ou fè avèk nou an.

¹⁸(044:19) Nou pa janm vire do ba ou, nou pa janm kite chemen ou mete devan nou an.

¹⁹(044:20) Men ou menm, ki jan ou fè lage nou konsa san sekou nan mitan bèt nan bwa yo? Ou kite nou konsa kote ki fè nwa anpil la.

²⁰(044:21) Si nou te bliye rele Bondye nou an, si nou te lapriyè yon lòt bondye,

²¹(044:22) èske Bondye pa ta konn sa, li menm ki konn sekrè ki nan kè tout moun?

²²(044:23) Men, se poutèt ou tout tan yo soti pou touye nou. Yo gade nou tankou mouton y'ap pare pou labatwa.