Sòm 37:10-14

¹⁰Talè konsa, p'ap gen mechan ankò. W'a chache yo, ou p'ap jwenn yo.

¹¹Men, moun ki soumèt devan Bondye, yo pral resevwa pèyi a pou byen yo, y'a viv ak kè poze nèt ale.

¹²Mechan yo ap fè konplo sou moun k'ap mache dwat yo. Y'ap gade yo konsa, yo anvi devore yo.

¹³Seyè a ap ri mechan an, paske li konnen mechan an pa la pou lontan.

¹⁴Mechan yo rale koulin yo, y'ap pare banza yo, pou yo touye pòv yo ak malere yo, pou ansasinen moun k'ap mache dwat yo.