Sòm 22:17-23

¹⁷(022:18) Tout zo nan kò m' parèt. Y'ap gade m', y'ap veye m'.

¹⁸(022:19) Y'ap separe rad mwen ant yo menm, y'ap tire osò pou rad mwen an.

¹⁹(022:20) Pa rete lwen m' konsa, Seyè. Ou menm ki tout fòs mwen, prese vin pote m' sekou.

²⁰(022:21) Pa kite yo touye m' ak kout nepe. Pa kite chen yo devore m'.

²¹(022:22) Wete m' nan bouch lyon yo. Delivre m' anba towo savann sa yo. Ou reponn mwen, Seyè!

²²(022:23) M'a di frè m' yo tout sa ou te fè pou mwen. M'a fè lwanj ou lè yo tout reyini ansanm.

²³(022:24) Nou tout ki gen krentif pou Seyè a, fè lwanj li. Nou tout pitit pitit Jakòb yo, chante pou li. Nou tout pèp Izrayèl la, adore li.