Text copied!
CopyCompare
Bib La - Sòm - Sòm 119

Sòm 119:57-72

Help us?
Click on verse(s) to share them!
57Seyè, mwen deja di ou sa: pou mwen menm, se kenbe m'ap kenbe pawòl ou yo.
58M'ap mande ou favè sa a ak tout kè m': Tanpri, gen pitye pou mwen, jan ou te di l' la.
59Mwen egzaminen jan m'ap viv la. Mwen chanje pou m' ka mache dapre prensip ou yo.
60Mwen prese, mwen pa pran reta pou m' obeyi kòmandman ou yo.
61Mechan yo sènen m' toupatou ak pèlen yo. Men, mwen pa janm bliye lalwa ou la.
62Nan mitan lannwit mwen leve pou m' di ou mèsi, paske tout jijman ou yo san patipri.
63Mwen se zanmi tout moun ki gen krentif pou ou, zanmi tout moun k'ap swiv lòd ou yo.
64Seyè, toupatou sou latè tout moun wè jan ou gen bon kè. Moutre m' tou sa ou vle m' fè.
65Ou te aji byen avè m', sèvitè ou la, jan ou te pwomèt la.
66Moutre m' sa ki byen, louvri lespri m', ban m' konesans, paske mwen gen konfyans nan kòmandman ou yo.
67Anvan ou te pini m' lan, mwen te konn fè sa ki mal. Men koulye a, m'ap fè tou sa ou di m' fè.
68Ou gen bon kè, ou pa fè mechanste. Moutre m' sa ou vle m' fè.
69Yon bann awogan ap fè manti sou mwen. Men mwen menm, m'ap swiv lòd ou yo ak tout kè m'.
70Moun sa yo gen lespri yo bouche, men mwen menm, mwen pran tout plezi m' nan lalwa ou la.
71Pinisyon an te bon nèt pou mwen! Li fè m' konnen sa ou vle m' fè.
72Lalwa ou ban mwen an gen plis valè pou mwen pase tout richès ki sou latè.

Read Sòm 119Sòm 119
Compare Sòm 119:57-72Sòm 119:57-72