23Apetperhan Jisas oh Gur guragure kusem han ihirnong ma poripti meng oh Kusem han go gorhe sik hat pat boknongri potahahrit nuhur wanahama Arpin hanhe dahatper ma poripti meng hatin mat gurdapat nohnong napotin ina hat patimur. Gur ihat napotin ina hat ma pati da oh gur Go Kapaneam aptei imtiporhan nuhur ma amratiri meng oh gin gorhe aptei mohhe ihtin da tit matporhan nuhur wamara Moh arpin ihpat hanhe daham am hatper napotin ina hat patimur pongopri.
24Porpat Gin noh gurnong arpin meng napotiprohmur. Got ohe meng pot pisapti han ihir wan apteinong sus meng potperhan wan ihir amram amam mar winsi deiptimur. Winsi deiptimura; iraire aptei oh meng potperhan amram amam mar winsi na deiptimur.
25Wan aptei ihirdapatwi ihirnong winsi deipti ma hapat dahatinmat oh gur Iraija ohe ma patesuhnong dahatinmur. Oh patin oh tom mandap titapat patin krismas yitir birhima tit oh katket matipmur. Ihat patin den timbas ham pahoh isipnap hat pateshemur. Pahoh isip hat patin Isrer mong oh kuu tahem ihir arpin pahohsi patin orhor
26Got oh Iraija ohnong Gin go sus ihirnong panggeitina por na darhetipmur. Wan mong Saidon mong ohe Sarepat aptei pat kuu tahem uhnongwi ha panggeitinoh rim Got oh Gin go urhe patnong sus panggeitinmur por darhetip.
27Iraisa ohe ma patesuhhe orhe han Isrer ihir trun han ihir ina mong mong moh tohohet susa er isipsi hat patin orhor ihirnong na yah matipmur. Wan mong Siria mong Neman ohnongwi yah matipmur pongopri.
28Jisas oh ama ihtin meng oh pot mandatporhan rotu ap ma pati kuuhan ihir amrapti Ohe mihat mengir moh nure danong na ham wan han ire danong ham ihat mengir ma hapat daham ihir gonsi heisup isip deingopari.
29Heisup isip deipti ihir tandeima ohnong net pora ap mutuh ohe kot dahnong prongopari. Propti ap mutuh oh mong ka hatpa ohoh kuumat pas katnong matpero rim pas penong mat pisongopari.
30Imat pisaya dus orhor oh ire mutuh amdapat orhor susa patru oh ama pip oh.
Ruk 4
Ruk 4:23-30