1Qinée Pauroosa ánoona ufa kai qímannimidaqa. Qinée ásauku mundíranaindi máridaqa sía únna ufa qímarunausa máridaqa. Qiní dáakirafa Ánutuna náaquqara andeeqara maraquna fannoo mifá rakísimarifaqa sía qinée únna ufa qianáura. Qinée qeeqá máqannaasa Isaraee máqannaara qímannimianaura.
2Misára firaaqóo qímuqusímarifaqa qikíraqáidaqa qeeqá máqannaasa qeeqá moodáa qimaqi moodáa fidika rainárausara miqídaqa. Misá Yísunara sía fee qímasee árunara óonumafi íriqa ikíraqáidaqa.
3Misá Isaraee máqannaasa ásauku mundíranasáaqaraana rakéemmiqa máridaqa. Ánutuna nárira ufa ámeemaanai márianara qinée rakéemaseeqa minní misá nímaaqa maqáanaqa misá áiqaree ásauku mundíranasaa atooqáfiqa náaru káqi máriranaki máriaqaana.
4Misá Isaraee máqannaasa Ánutufa aiqáma máqannaasakinaana rusandeesámumandee Isaraee máqannaa mároosa máriafanoo, Ánutufa misá maréeqeenoo narí faiqinámukamasee narí aréenarana rainá nimiqoosá máriafanoo. Ánutufa narí moodáanaki kíra ufa óosana óosana moómoo nimiséenoo narí sándufa faqa Mooseenasáa quqásoona faqa níminau, misá Ánutuna amooqírafa ánoonamau fímariasa, misá Ánutuna qíma afeekaíkira ufa moómoo máree marúsa.
5Misá óoqeenáasa faiqí núqufaqaasa Abarahaamana faqa Isakeena faqa Yakooboona faqa misáuqa faiqi námu níku nísauku máriasa, misá ásauku mundírafa mi-maqannáasaki qumu kambíqafufaqa moodáa maqannaa márusa máridaqa. Ánutufa aiqámausara rakísidanoo, náaru náaru miná amooqiaqa. Kúqaa.
6Qinée Isaraee máqannaasara irisée sía Ánutuna qíma afeekaikíra ufara kadíqee foo qídaqa. Ánutufa sía aiqáma Isaraee máqannaasa rusandeesámumandee narí faiqi námu máriaqee qímasee máranau.
7Abarahaamana áiku ásauku átiuqa faqa sía aiqáma Ánutuna áiku ásaukukiqau. Minára qídaqa, Ánutufa maaqí qímasee Abarahaamana qímaminau. Aní faiqi námukinaana Isakeena áiku ásauku kai aní áiku ásauku fee qianáura.
8Mi-ufána Ánutuna qímamira ufara qinée maaqí qídaqa. Abarahaamana dapi anaasee Qakaarana káqi fífau mároona faiqi námu sía Abarahaamana áiku ásauku fee qinoo máridanoo. Ánutufa qíma afeekaikíranannai máqoo faiqina miná áiku ásaukuara Abarahaamana áiku ásauku ánoona uqannee qídaqa.
9Ánutuna qíma afeekaikíra ufa maaqímminoo márinau. Qinée qeeqá andeeqára aukuana anirée Saraqana dadaaqíananoo faiqi máqaannoo.
10Sía mifá kai, maaná faqa Reebeekanara faqa qímannimianaura, Reebeekafa qaara faiqifaqáafa márinau, miqandá níkoofa maasá qikeekú qikaakú Isakeefa márinau.
11Reebeekafa faiqi máqaaninnaqanda mi-faiqiqandá núqu indaarúqaa faiqi auqu Eesaufa máriannoo fée qinau. Miná ínnaaqíanna máqaaninna faiqina auqu Yakoobooneé qinau. Miqandá sía kambíqaraqoo Ánutufa indaarúqaa faiqiara ínnaaqíanaa faiqi miná aináinamma aisáaninna fee qimasee afaaqóoqa qinau. Sía miqandá kambíqaqa máridaqau mandóosana fee ámiqira oosana fee máraidammiafoo qímaseenoofau mi-ufána quqánau. Ánutufa moodáa mároo oosanafa Ánutufa miqandára afaaqóoqa quná sía náriqaqara óosanasaarau afaaqóoqa qinau, narí írirana áidiranasaa mundúanifeera indaarúqaafa Eesaufa quándaki ínnaaqianaana miná aináina mái̱sáannoo fee qinau.
13Óoqeenaa ákarakinaa ufa maaqímminoo minára máridanoo. Qinée Yakooboonara dídidanoo Eesaunara qíkooqaidanoo fee qinau.
14Miqandára irisée Ánutunara náqi fee qianáuree Ánutunara sía andeeqée foo qianáuree. Óo sía uqanna miqí qianáura andeeqánoo márifa Ánutufa maaqí qímasee Mooseena qímaminau. Qinée qeeqá íriranannai kai faiqí ánaasee akaqáusa narusée akaqáusa nífauaanaura, qeeqá íriranannai kai akaqáusara qímuqusianaqa marasée ámiqi ámiqianaura.
16Minára aiqáma ainaina sía faiqí nídiranasaa mundínoo máridanoo Ánutuna ámuqusiranasaa mundínoo máridanoo.
17Óoqeenaa ákaraki Mooseefa Faraoona maaqí qímasee qímaminau. Qinée Ánutusa aní Faraoona maréeqee Isipa máqannaa karaambáiqaikianneera quqáqiafana, qinée Ánutusa aní Fáraoofa qiní ufa rukíoonara aní kúqaruanaura. Minánnai qinée qeeqá afeeka faqa qeeqá dúqu faqa aiqáma máqa maaqa afaaqasása máriasa íriaqee qímasee aní quqáqiafana.
18Dóo maqee maasá mi-ufána iriséeqa Ánutunara maaqí qídaqa. Ánutufa narí kai irisée akaqáusara ámuqusifanoo ámiqi ámiqimmidanoo kafáa Ánutufa narí kai iriséenoo akaqáusa ufa rukíara oosana nímidanoo.
19Ínnee miná iriséeqa quándaki maaqí qímasee áaqamasee qiní qímaqimifaranoo. Aní ufa miqínoo márinaqa maasá mandóosana máraananoo náqimasee Ánutufa maasára áaqee maríasee qíannoo fee. Náqimásee maasá Ánutufa áuquqisoo mandóosanara iriséeqa rakéemaki ámiqira oosanamau fuanáuree.
20Qinée miná iriséeqa maaqí qímasee aní qímamianaura, Ánutufa aníara áaqee máriaanoo qímasee áfairirana anée yáfee máridanee quándaki narí qímaminnaree anée káqikaafa máriananoo. Qafee áuqiranara íria. Faiqí moó fannoo maqá maraséenoo qafee áuqimarifanoo mi-qafeefá sía quándakinoo mi-fasiqánara áqidanoo anée nánaree qiní maaqímmasee áuqidanee, sía qafee fannóo miqí qídanoo.
21Mi-fasiqáfa qafee áuqimarifa narí íriranannai kai maqá qumáree túri iseenoo atakúseenoo mi-maqána rainásee akaqána qumáreenoo narí íriranannai kai ámiqirana ákara rirana áuqidanoo kafáa miná dínni ati quqáqoona rainá qumáreenoo narí íriranannai kai moo káqi dapi qafee kai áuqidanoo.
22Ánutufa miqíkai máseenoo maasá áuquqimaqánau. Maasáki akaqáusa mandá qafeera foora maasá akaqáusa áuquqimaqáseenoo idáki fifándinausee qídanoo. Sía aaqee kái minára náruannoo náaru kásooqaqee miná ákiaqara náruannoo. Kísaaqasaa narí áanoo irana rafáaqafusee mári inanoo náaru náruannoo. Miqóo narí áanóonnai faqa narí afeekannái faqa miqóo mandóosana máree maríasa kurídi nimaqáannoo.
23Kafáa miná dínni ámiqira qafeera foora kásooqaqee maasá miná káaqa áreenarana máreefandínausa akaqáusa áuquqisanau, miná ámuqusa maasá ubeekanóo márisa maasásaa kai miná idaaqíra moómoo aréenarafa kooroo íanifeera maasásaa nammáriara foora narí aréenarana adíannimaqánau.
24Dóo maasá dáaree maríasa dóo misá kai dóo máa̱ máridaqa sía Yuda máqannaasakiqari kaifáu, ánaamurukiqari faqa Ánutufa dáaree márisa máridaqa.
25Óoqai tamummáqara fasiqa moo áuqu Qooseeaafa mifá minára maaqí qímaqoofa. Sía qeeqá máqannaasa náarama quqásee qiní faiqi ánaasee fee qianáura. Qiní qíkooqeemari máqannaasara qinée quándaki misára qiní dídimariasee qianáura.
26Akaqáusara ínnee sía qiní faiqi námu fee qímaria maqusakinaasa dóo qímaria maqusanaasará kai misára káqi márira Ánutuna faiqi námu fee qifáranoo. Dóo Qooseeaana ufa miqínoo máridanoo.
27Isaiaafa Isaraee máqannaara maaqí qímasee ákara rinau. Isaraee máqannaasa núkuda moómoora foora iqá máriafanoo misákinaana Ánutufa óodaa kai maréeqeenoo asumu máriranaki quqáannoo.
28Mi-aukuanná mi-karí Ánutufa dauní dauni mandáinaina ákiaqara marasée aiqáma maqannaasa minánnai náruannoo Ánutufa faiqí ánaaseera kísaaqasaa nífeesida máriranasaa dóo taikéefoo qímasee aiqámausa tautúmasee náruannoo. Minára Isaraee máqannaasa óodaa kai Ánutuna saqárikamándainanoo óodaa kai asumu máriranaki mara quqáannoo.
29Isaiaafa kafáa Isaraee máqannaara maaqí qímasee ákara rinau. Karaambáiqa úriqararafa sía maasá áti óodaa mara quqásainanóofau Soodooma máqusa faqa Koomoora máqusa faqa naanna rámaseenoofau aiqáma taikásani, dáridanoo óodaa máfi quqásoosa qaaramoó máridaqa.
30Dóo minára maasá náqi fee qianáuree. Maaná kai qianáura. Ánaamuru máriasa sía Ánutuna áfusaa andeeqáranaki kéeqararee qídaqa sía amaní maríasa dóo misá narí írirana Yísunasaa rusísee minánnai miná andeeqáranaki kéeqafi máridaqa.
31Misá miqíqa márifanoo Ánutufa rusandeesámumasee mároo fasiqanaaseesa Isaraee máqannaasaa misá Mooseena sándufakiaqa randásee mi-iriránannai Ánutuna andeeqáranaki fuanáuree qídaqa aaná sía minakí márinara sía írirai múnari mínaridaqa áaqamaki káqi rúnnambiqau.
32Náqi fee mándee sía paqúriqau. Misá Ánutufinnai fírana nári kadáapiriranasaa kai mundínoo máridanoo sía saqárikirafa minásaa mundínoo máridanoo. Misá ánoona aana Yísunamau fímarianara qáoo qímasee Yísunara óonisaara foora níku ámaki sáamuriqau.
33Óoqeenaa tamummaqara fasiqa ákarauqa mi-oonínara maaqí qiqau. Qinée Ánutusa mi-oonína Sioona máqusai quqáqa̱anaqa faiqí ánaasee mi-oonínasaa níku rupáurifaranoo. Faandí óoni miqírana qinée mi-oonína quqásaanaqa minásaa farindámaki sáamurifaranoo. Moó fannoo narí írirana minásaa rusíqainafa sía kadóoparáannoo. Tamummáqarausa Yísunara miqímmasee óoqai ákara riqau.
