Romankena 1:6-9

⁶De qerlka ama Ngemumaqa qa nes tem ngen, ip ngen barek ma Iesus Kristus.

⁷I luqa iara ama Langinka dai sagel ama Kristenkena vet ma Rom. I sa ama Ngemumaqa qa nes tem ngen ip ngen bareq a qa, ip maikka ngen dru a ngen a qevep ne ama revan. I ngen dai maikka vem ka se ngen. Be ngu nen ka ip ke qurl a ngen te aa ngimsevetki de ama uupka ip kurli ngen maget gel ka, ke ne aa Uimka ma Iesus Kristus.

⁸Ngu rarles, dai maikka ngua taqen ne ama atlu sagel ama Ngemumaqa ne ma Iesus Kristus never a ngen mai. I ngua taqen ne ama atlu sagel ka i raquarli ama qaqet per ama aivetki mai dai rel sil sever a ngen a tuaqevep. I ngen dru a ngen a qevep sever ama Slurlka.

⁹De qatikka ai de vet ngu raring dai de vetpet ngua tu gua qevep sever a ngen. Be qatikka ama Ngemumaqa dai qat drlem ai liina iara dai ama revan. I qatikka qa dai ai de ngut matna bareq a qa nade gua rlan. I ngul sil bareq ama qaqet ne ama Lengi ama Atlunget sever aa Uimka. Be qatikka ngu raring aip kuarik mager ip ngua ren sagel ngen. I qatikka diip liina iara nge ren taqurla i ariq aiv ama Ngemumaqa qe narliip taqurla.