ROMA 5:12-16

¹²Tau tamona dekena amo kara dika ia vareai mai tanobada dekenai, bona iena kara dika ese mase ia mailaia. Unai dainai mase be taunimanima ibounai ese idia abia, badina ibounai be mai edia kara dika.

¹³Kara dika be ia vara guna tanobada dekenai, Mose ena Taravatu be gabeai. To, Taravatu ia noho lasi neganai, kara dika ta ta be Dirava ese ia makaia lasi.

¹⁴Adamu ena nega, ia mai bona Mose ena nega, be mase ena siahu taunimanima ibounai edia latanai ia noho. Adamu ia mase badina ia ese Dirava ena taravatu hereva ia utua dainai. Sedira tau haida edia kara dika be Adamu ena kara dika bamona lasi, to idia danu idia mase. Adamu be gabeai do ia mai tauna, Keriso, ena laulau bamona.

¹⁵To idia ruaosi be hegeregere lasi, badina Adamu ena kara dika be idau, bona Dirava ena davana lasi harihari gauna danu be idau. Momokani, tau tamona, Adamu ena kara dika dainai, taunimanima momo ese mase idia davaria. To Dirava ena hariharibada ese mase ia halusia momokani, badina be tau tamona, Iesu Keriso, iena davana lasi harihari gauna dainai, taunimanima momo ese mauri idia davaria!

¹⁶Oibe, unai tau tamona Adamu ena kara dika be idau, to Dirava ena harihari gauna danu be idau. Unai tau ena kerere tamona murinai, be Dirava ese dika davana ia henia momokani, to taunimanima momo edia kara dika momo herea murinai, be Dirava ese iena hariharibada ia henidia, ia gwau, “Emui dika davana be lasi.”