Rom 15:28-30

²⁸Tana nio aŋso aŋboro kat pat ti ma irao aŋur se zin Yerusalem kan naman muŋgu, tona aŋma ma aŋre yom, mi aŋla pa Spen.

²⁹Mi nio aŋute: Sombe aŋma, nako itiŋan taparpombol ti, mi kampeŋana ki Krisi ko ise kiti ma biibi.

³⁰O niom toŋmatiziŋ tio, itiŋan tuurla ki Merere kiti Yesu Krisi, mi Bubuŋana ikam ti ma lelende par piti kek. Tana nio aŋtaŋroro yom pa Merere kiti Yesu Krisi zaana. Kuzuŋzuŋ mbolŋana pa Anutu be iporoukaala yo pizin Yudea kan ta tiurla ki Krisi som na, mibe aŋkam kat uraata tio ma ambai men pa Anutu wal kini ta timbot Yerusalem a matan. Naso kagaaba yo ma kembei itiŋan toporou pa uraata ki Yesu Krisi.