Revalesoni 8

1

2

3

4

5

6

7

8

9

10

11

12

13

14

15

16

17

18

19

20

21

22

¹Meke sipu va maluaria sa Lami sa tokoro vina zuapa si lopu hite kulu va kale sa Maṉauru pa kukuru aoa.

²Meke dogori rau sari ka zuapa mateana saripu turu dia pa kenuna sa Tamasa, meke ta poni ni rini sari ka zuapa buki.

³Meke keke mateana pule si mae, meke turu kapae nana pa hope tanisa vina uququ. Meke taṉinia nana si keke vovoina qolo vasina tava uqu sa vina uququ ruqa humaṉa lea. Meke soku sari na vina uququ saripu ta poni ni sa, pude tomo lani koari na vinaravara tadi doduru tie te Tamasa koasa hope qolo, sapu koa pa kenuna sa ṉati habotuana Baṉara.

⁴Meke sa tuṉahana sa vina uququ meke sari na vinaravara tadi na tie te Tamasa, si vura mae gua pa vovoina qolo pa limana sa mateana, meke sage la pa kenuna sa Tamasa.

⁵Meke paleke la nia sa mateana sa vovoina vina uququ, meke va siṉi nia nika sa koasa hope, meke gona gore la nia sa sa nika pa popoa pepeso, ke malara va hodaka sari na kapi, meke pidala na lulusu sari na paka maṉauru, meke niu sa popoa pepeso.

⁶Meke va namanama ivui ri ka zuapa mateana sari na buki pu taṉini rini pa limadia.

⁷Meke sipu ivua sa mateana kekenu sa nana buki, si hoqa gore mae pa pepeso sari na kabukabue aesi, meke na nika sapu varihenie ehara. Meke ta sulu palae beto si keke koari ka ṉeta pinaqahana sa popoa pepeso, meke keke koari ka ṉeta pinaqahadi rina hudahuda, meke sari doduru duduli buma pa popoa pepeso ba ta sulu palae.

⁸Beto asa si ivua sa mateana vina rua sa nana buki, meke ta oki gore la pa lamana si keke sapu doṉo guana keke toqere suluna sapu nomana hola. Meke ta ilirae ehara si keke koari ka ṉeta pinaqahana sa lamana.

⁹Meke keke koari ka ṉeta pinaqahadi ri doduru tiṉitoṉa toadi pa lamana si mate, meke keke koari ka ṉeta pinaqahadi rina vaka si ta huara.

¹⁰Beto asa si ivua sa mateana vina ṉeta sa nana buki, meke hoqa gore mae guana pa maṉauru si keke pinopino lavata sapu huruṉu guana zuke. Meke hoqa la ia si keke koari ka ṉeta pinaqahadi rina ovuku, na leana, meke sari na bukaha.

¹¹Meke sa pozana sa pinopino hie, si e “Pasa.” Meke ta ilirae pasa si keke koari ka ṉeta pinaqahana sa kolo, meke soku tie si mate nia, sina napoa rini sa kolo pasana hie.

¹²Beto asa si ivua sa mateana vina made sa nana buki, meke tava huporo si keke koari ka ṉeta pinaqahana sa rimata, na sidara, meke sari na pinopino. Meke keke koari ka ṉeta pinaqahana sa rane si lopu rimata, meke keke koari ka ṉeta pinaqahana sa boṉi si loke ruqaha, meke keke koari ka ṉeta pinaqaha si lopu kalalasa sari na pinopino.

¹³Meke sipu doṉo la rau, si avosia rau si keke atata, sapu tetedoro nana panaulu hola pa galegalearane, sapu velavela va ululae guahe: “Madi talotaṉa hola gedi si arini pu koa ia sa popoa pepeso, pana ta avoso sari na buki saripu kote ta ivu koari ka ṉeta mateana pule,” gua si asa.