Pwovèb 3:29-35

²⁹Moun k'ap viv ansanm avè ou, ki mete konfyans yo nan ou, pa manniganse anyen ki pou fè yo mal.

³⁰Pa fè kabouyay san rezon ak yon moun san li pa janm fè ou anyen ki mal.

³¹Pa anvye sò mechan yo. Pa mete nan tèt ou pou ou fè tankou yo.

³²Paske Seyè a pa vle wè moun ki deprave. Men, li mete moun ki mache dwat yo nan tout sekrè l' yo.

³³Madichon Bondye chita lakay mechan yo. Men, benediksyon l' ap kouvri kay moun ki mache dwat yo.

³⁴Moun k'ap pase moun nan betiz, Bondye ap pase yo nan betiz tou. Men, moun ki fè byen, l'ap moutre yo jan li renmen yo.

³⁵Y'a fè lwanj moun ki gen bon konprann yo, men moun fou yo, se wont y'a wont.