Pwovèb 26:21-26

²¹Chabon kenbe recho a limen. Bwa pa kite dife a mouri. Konsa tou, moun ki renmen chache kont toujou ap pouse dife.

²²Tripotay dous nan zòrèy moun ki vle tande yo. Sa mache nan san yo.

²³Yon moun ki gen bèl pawòl nan bouch li men ki gen move kè, se tankou bèl penti sou bwa pouri.

²⁴Ipokrit ki rayi moun toujou ap bay bèl pawòl. Men, nan kè l', se twonpe l'ap twonpe moun.

²⁵Lè l'ap pale konsa, ou pa bezwen kwè l', paske nan fon kè l', se mechanste ase ki genyen.

²⁶Li te mèt kache sa, tout moun gen pou wè mechanste l'ap fè yo.