Pwovèb 24:23-28

²³Men lòt pawòl moun ki gen bon konprann yo te di ankò. Sa pa bon pou yon jij gade sou figi moun lè l'ap rann jijman.

²⁴Lè yon jij di yon moun ki fè sa ki mal: Se ou ki gen rezon, jij sa a, tout moun gen pou madichonnen l'. Y'ap rayi l' toupatou sou latè.

²⁵Men, jij ki pini moun ki antò a va gen kè kontan. Bondye va beni l'. Tout zafè l' va mache byen.

²⁶Lè ou bay yon bon repons, ou aji tankou yon bon zanmi.

²⁷Regle tout zafè ou. Mete jaden ou anfòm. Apre sa, ou mèt tabli.

²⁸Pa leve pale sou do frè parèy ou san rezon. Pa bay manti sou li.