Pwovèb 21:27-30

²⁷Seyè a pa ka sipòte lè mechan yo ap ofri bèt pou touye pou li. Sa pi mal toujou lè yo ofri bèt pou touye ba li avèk lide mechanste dèyè tèt yo.

²⁸Temwen k'ap bay manti gen pou l' mouri. Men, yo p'ap koupe pawòl nan bouch moun ki peze sa l'ap di.

²⁹Mechan toujou pran pòz radi l'. Men, moun ki mache dwat la konnen sa l'ap fè.

³⁰Devan Seyè a pa gen ni moun konnen, ni moun lespri, ni moun ki gen bon konprann.