Pwovèb 1:9-15

⁹Menm jan bèl foula mare nan tèt ak kolye pase nan kou bay pi bèl aparans, konsa tou konsèy papa ou ak manman ou ap fè anpil pou ou.

¹⁰Pitit mwen, lè moun k'ap fè sa ki mal vle detounen ou, pa kite yo pran tèt ou.

¹¹Si yo di ou: Vini ak nou non! Ann anbiske kò nou pou n' touye moun. Ann pare pèlen pou nou pran inonsan yo, san yo pa gen anyen ak nou.

¹²Ann vale yo tou vivan, tankou simityè ki pa janm refize mò. Ann vale yo tout ankè tankou kadav y'ap antere.

¹³N'a jwenn tout kalite gwo richès, n'a plen kay nou ak tout bagay n'a pran.

¹⁴W'a jwenn pa ou nan tou sa n'a pran. Va gen yon sèl kès pou nou tout.

¹⁵Pitit mwen, pa mache avèk moun konsa! Pa mete pye ou kote moun sa yo pase!