Psalms 94:7-17

⁷Yad be ga’ar, “Der guydad SOMOL; fare Got rok yu Israel e dar na’ab.”

⁸Girdi’ rog, mang e gimed mrin’ ni gimed balyang ni minan’? Fin wi’in e nge mit ban’en ngomed?

⁹Got e ngongliy teldad, ere der rung’ag ban’en? Ma ir e ke sunumiy lan owchey, ere der guy ban’en?

¹⁰Ma puwan’ ko pi nam, ere dabi gechig nagrad? Ma ir e ma fil ban’en ko girdi’, ere dariy e llowan’ rok?

¹¹SOMOL, e manang e n’en ni gadad be leamnag; manang fane bm’ayfan e tirorad e leam.

¹²SOMOL, ba felan’ e pi’in ga ma pow’iyrad, cha’ ni ga be machibnag ko motochiyel rom!

¹³Ga ma pi’ e toffan ngorad u tomuren fa pi rran ni ba gel e gafgow riy nge taw ko ngiyal’ ni kan ker ba low ni nge mul e pi’in kireb ngay.

¹⁴I SOMOL e dabi n’ag e girdi’ rok; ma dabi fek owchen ko pi’in nib milfarad ngak.

¹⁵Tin nib mat’aw e yira pir’eg bayay u lan tafen e puf oloboch; ma gubin e pi’in bmat’aw ma yad ra tedyad ngay.

¹⁶Mini’ e sak’iy ni pa’ag nge togopluw ko pi’in kireb? Mini’ e mang ngog ngug togopluwgow ngak e pi’in ma rin’ e kireb?

¹⁷Fa’an mang e de ayuwegneg SOMOL, ma kug wan ni papey ko fare binaw nib math gulngay riy.