Psalms 89:19-23

¹⁹Kakrom e mu dag u daken e thin rom ngak e pi tapigpig rom nib yul’yul’ ni lungum, “Ku gu te’eliyawnag ba salthaw nib gilbugwan, ku gu pi’ e chiya’ ko pilung ngak be’ ni gag e ku gu mel’eg u fithik’ e girdi’.

²⁰Ku gu pilungnag David ni tapigpig rog ku gu gapgepnag ko gapgep ni thothup.

²¹Gelngig e bay i par rok ni gubin ngiyal’, gelngig e bayi pi’ gelngin nge gel.

²²Pi to’ogor rok e ri dabiyag rorad ni ngar ban niged, pi’in kireb e dabiyag ni ni ngar gelgad ngak.

²³Bay gu pirdi’iy e pi to’ogor rok u p’eowchen, mu gu thang e pogofan rok urngin e pi’in yad be fanenikay.