Psalms 88:14-18

¹⁴SOMOL, mangfan ni ga be n’igeg? Mangfan ni ga be mithag owchem rog?

¹⁵Ka nap’an ni kug bochi pagal, ni ug gafgow ngi i chugur ni nggum’; ku gu me’waer u malngin e pi gechig rom.

¹⁶Mirin e damumuw rom e ke masengseng nigeg; pi cham rom e ke kal ngog.

¹⁷Polo’ e rran ni yad ba liyegeg ni gowa ba sugbur; gubin raba’ i chireg ni karbad riy ngog.

¹⁸Mus ko pi fager rog th’abi chuchugur ma kam gagiyegnag e kar n’igedgag, kemang lumor e ku gu chagil gow.