Psalms 5:3-11

³ga ma rung’ag lamag ni kakadbul; ra yib e yal’ ngalang mu gu meybil mu gu son ni ngam fulweg taban.

⁴Gathi ga ba Got nma flan’um ko ngongol ni kireb; da mur pag e kireb nge par u p’eowchem.

⁵Dabyag ni ngam kadan’um ko pi’in tolngan’; ga ba fananikay urngin e pi’in kireb.

⁶Ga ma thang mit urngin e pi’in ma ban ma dabum e pi’in tacham, nge girdi’ ni sasalap.

⁷Ma bochan ga’ngin e t’ufeg rom ma ke yag ni gub nga naun rom; ma ke yag ni nggu’un ko liyor u lan e Tempel rom nib thothup nggu siro’ ngom u fithik’ e liyor.

⁸SOMOL, ba yo’or e pi to’ogor rog mu pow’iyeg ko n’en ni ga be finey; ma ga gagyalnag ngog e kanawo’ rom ni nggu lek.

⁹N’en ni be yog e pi to’ogor rog e dabyag i pagan’uy ngay; kemus ni ban’en ni ngan gathay e yad ba’adag. Bfel’ nifngin e thin rorad ma ba sumnguy, machane basug ko yub.

¹⁰Got, mu bucheg wa’athrad ma ga gechig nagrad; mang e yug ra awgad ko pi makath rorad. Mu chuwegrad u p’eowchem ni bochan e ba pire’ e denen rorad nge togopluw ni yad be tay ngom.

¹¹Machane pi’in yad ma naf ngom e bay ra felfelan’gad; rayag ni gubin ngiyal’ ni ngu’ur tanggad ni yad bfelfelan’. Mu yororiy e pi’in ga ba t’uf rorad; ya bocham e aramfan ni yad bfelfelan’.