Psalms 33:3-21

³Mon’ed reb e tang nib be’ech ngak, mu chubeged e harp nge mus rogmed riy, mi gimed tolul’ nib ga’ lam’ed!

⁴Thin rok SOMOL e ba riyul’, ma gubin e maruwel rok e ra pagan’uy ngay.

⁵I SOMOL e ba t’uf rok e tin nib mat’aw ma ba yal’uw, t’ufeg rog ni dabimus e ke suguy e fayleng.

⁶I SOMOL e non me sum e pi tharmiy, I non me sum e yal’ nge pul nge pi t’uf.

⁷I kunuy urngin yang e day nga ta’bang; i kunuy ngalan e rigur nib to’ar.

⁸Fayleng ni polo’, mu pired ni bay madgun SOMOL u wun’um. Gimed girdi’en urngin e nam nu fayleng, mu ngatgad ngak!

⁹Ya nap’an ni non, me sum e fayleng; miki non, me yib i m’ug urngin ban’en.

¹⁰I SOMOL e ma kirebnag e tanom ko pi nam, ma tel ni dabiyag e tin ka ra puruy’ niged.

¹¹Machane tin ke tanomnag e ndariy n’umngin nap’an, ma tiriggil rok e ma par ni manemus.

¹²Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

¹³I SOMOL e be changar u tharmiy nga but’, be guy e girdi’ ni gubin.

¹⁴Gin ke par riy be gagiyeg e be changar riy nga but’ nga daken urngin e pi’in yad be par u daken e fayleng.

¹⁵Ir e chamiy gubin e leam rorad, ma manang urngin e ngongol rorad.

¹⁶Ba pilung e der ma gel ko mael ni bochan e ba gel ma ba yo’or e salthaw rok; ba salthaw e der ma gel ni bochan gelngin.

¹⁷Ma pi os ko mael e gathiyad e ra gel niged e mael; gelngirad nib gel e dabi ayuw.

¹⁸I SOMOL e ma yaliy e pi’in bay madgun u wun’rad, ni pi’in ke pagan’rad ko t’ufeg rok ni dabimus.

¹⁹Ma yororiyrad ko yam’; nge uyongol.

²⁰Ke lagan’dad ngak SOMOL; ir e yoror nge ta’ayuw rodad.

²¹Ke felan’dad ni bochan SOMOL; ke pagan’dad nga fithingan nib thothup.