Psalms 145:7-12

⁷Bay ur weliyed murung’agen fanam fel’, miyad tangnag murung’agem nri gab gol.

⁸I SOMOL e ba t’uf e girdi’ rok mma runguyrad, ba sowath ni nge damumuw ma ba sug ko t’ufeg ni dabimus.

⁹Bfel’ e tin ma rin’ ngak urngin e girdi’, mma runguy urngin e tin ke sunumeg.

¹⁰SOMOL, urngin e tin kam sunumeg e bay ur pininged e sorok ngom, ma tirom e girdi’ e bay ur pininged e magaer ngom!

¹¹Bay ur weliyed murung’agen e fla’ab ko gagiyeg rom, miyad weliy murung’agen gelngim ni bay nib gel,

¹²ya nge nang urngin e girdi’ feni sorom ko tin kam rin’, nge gagiyeg ni ga be tay.