Text copied!
CopyCompare
Bible Ni Thothup - Psalms - Psalms 119

Psalms 119:32-45

Help us?
Click on verse(s) to share them!
32Rug ra fol ko tin kam ta’chiylen nib pasigan’ug ngay, ni bochan e bay mu gelnag e tamilngan’ rog.
33SOMOL, mu fil ngog fan e pi motochiyel rom, mu gu fol riy ni gubin ngiyal’.
34Mu tamilang nigeg ko motochiyel rom, mu gu fol riy; ma bay gu cha’riy u polo’ i gumircha’eg.
35Mu yol’uwegeg ngu’ug fol ko tin kamog ni ngan rin’, ya fithik’ e pin’em e gu ma pir’eg e felfelan’ riy.
36Mu pi’ chogowen ngog ni nggu fol ko pi motochiyel rom ma gathi nge yo’or ban’en rog.
37Mu talegneg ni dabki lagan’ug ko n’en ndariy gam’ingin; mu gol ngog, ni bod nim micheg.
38Mu tay u gil’ e n’en nim micheg ngog, I gag e tapigpig rom, ni fare michmich ni mu tay ko pi’in yad ma fol rom.
39Mu ayuwegneg ko thin ni kireb ni gu ma rus ngay; rib fel’ e pin’en ni ka mu tiriggiliy.
40Gu ba’adag ni nggu fol ko tin kamog ni ngan rin’; mu pi’ e yafos nib be’ech ngog, ni fan e gab mat’aw.
41SOMOL, mu dag ngog gelngin ni gub t’uf rom, ma ga aywegeg nrogon nim micheg.
42Ma aram e rayag ni nggu fulweg lungun e pi’in yad be gar nigeg ni bochan e bpagan’ug ko thin rom.
43Mu pi’ gelngig ni tin riyul’ e ngi i yib u langag ni gubin ngiyal’, ni bochan e be lagan’ug ko tin ka mu tiriggiliy.
44Bay ug fol ni gubin ngiyal’ ko motochiyel rom, ni manechibog ko pichibog.
45Bay gu par ni rib puf rogog, ni bochan e gu ma athamagiliy ni nggu fol ko pi machib rom.

Read Psalms 119Psalms 119
Compare Psalms 119:32-45Psalms 119:32-45