Psalm 73:3-17

³Pwe i suedeki me aklapalap akan, ni ai kilanger en me sapung kan ar pwaidar.

⁴Pwe sota apwal kot lel ong irail ni ar pan mela, re kin kelail o war arail wilar melel.

⁵Sota ar apwal kot dueta aramas tei kan, o re sota pan kalokolok dueta aramas tei kan.

⁶Ari aklapalap, iei kapwat en tapin wor arail, o arail likau, iei arail tiak weit.

⁷Por en mas arail tikitik o sued kilar ar wilar, o re kin wiada, me re inong iong.

⁸Re kin mamaleki meakaros, o re kin lokelokaia me sued, o re kin lalaue o lokaia ni ar aklapalap.

⁹Dene arail lokaia tapi sang nanlang, o me irail indinda, dene i eta me pung nin sappa.

¹⁰I me aramas akan lokidi ong irail; o pil totoia re kin nimala.

¹¹Re kin inda: Iaduen, Kot pan kotin insenoki irail? O menda ren me lapalap irail?

¹²Kilang, iduen me doo sang Kot akan; irail meid pai nin sappa, o re pan kapwapwala.

¹³Iaduen, likamata sota katepa ai kamakelekeladar mongiong i o kaminela pa i kat ni me pung?

¹⁴Pwe ran karos i pan kalokolok, o ni mansang karos ai kamekam mia.

¹⁵Koren iong i pil pan indinda dueta irail, a so, pwe i de pan suedeki sapwilim omui seri kan karos sang mas kokodo lel met.

¹⁶I ap madamadaua duen mepukat, pwen dedeki, a i sota kak ong.

¹⁷Ngai lao pedelong ong mon mol en Kot saraui o kilanger imwin me doo sang Kot akan.