Psalm 73:15-28

¹⁵Koren iong i pil pan indinda dueta irail, a so, pwe i de pan suedeki sapwilim omui seri kan karos sang mas kokodo lel met.

¹⁶I ap madamadaua duen mepukat, pwen dedeki, a i sota kak ong.

¹⁷Ngai lao pedelong ong mon mol en Kot saraui o kilanger imwin me doo sang Kot akan.

¹⁸Melel kom kotin pwili kin irail edi wasa likakeris; kom kotin kapup irail edi ong nani pwel.

¹⁹Iaduen arail madang soredier. Irail lokidokila, o imwila ’rail meid kamasapwek.

²⁰Maing Ieowa, kom kin kotin kawela mom arail nan kanim o dueta auramen.

²¹Ni ai madak nan mongiong i, o waiwairok nan ai mudilik kan,

²²I ap diaradar, me ngai ol pweipwei men, me sota asa meakot; dueta man amen mo omui.

²³Ari so, i pan mimieta re omui kokolata, pwe komui kotin kolekol eta pa i pali maun.

²⁴Komui kin kalua ia duen kupur omui, o kom pan kotin kasamo ia nan lingan omui.

²⁵Ma komui ta ai Kot, i sota pan anane meakot nanlang de sappa.

²⁶Ma pali war ai o ngen i pan dupokala, pil menda, pwe komui Maing Kot kamait pa i o pwais ai kokolata.

²⁷Pwe kom kotin mangi irail, me muei sang komui pan lokidokila; Kom pan kotin kasapokela karos, me wuki wei sang komui.

²⁸A iet ai peren, i en tengeteng ong Kot, o i en kaporoporeki Kot Ieowa, pwen kalok sili omui wiawia kan karos.